الأربعاء 14/7/ 2010

تموز يطرق الأبواب  مهدي الشمسي ( عبد الكريم كل القلوب تهواك ) الى تموز الثورة والمجد الى الشعب العراقي الأبي الغلبة والنصر الى عبد الكريم قاسم العزة والخلد   أبهيده أبهيده تمر ذكراك أبهيده نموت گلوبنه تنزف وطن يلهج بسمك أو طرواك يا راي الفريضة أوخرزة الشاهود يا هيل الدلال أوريحة البارود يا حلم الطفولة أوغيرة الچادود يا شريان ڴلبي أونغمة الناگود يا ريع روحي أو روحي عليك أتنوح يا سباح ڴلبي الخاوته الجروح أريد أنخه جروحي اوخلي هي أتبوح چم تموز مر والعراق اتراب وجروح اليتامى أتخاون اويناب لا مرهم نفعها أولا نفع عطاب ولا عاقل ذكرها ودك عليها الباب ولك تموز يا شيب الشوارب او عصة المبتور يا ضحكة يتيم اوخبزة التنور حيل ... حيل ... حيل حيل أثغب حيل اصهل خل تسمع صهيلك بابل او آشور ولك جول ... جول ... جول ولك صول يا طور امحمداوي ابحنجرة مبحوح حيل اثغب ولك امي عمت ومحضرة ليك أنذور ولك دور ... ولك فور ولك تموز موش انت بركان او واعدتنا اثور ولك بسك تنام ابيوتنا صارت علينا اقبور ولك ثور... ولك فور ....ولك دور موش انت شمس والشمس هي النور **************** صبي ... صبي يا دموع العين صبي أوفيضي اهوار الجنوب بلكت يعود الخضيري للقصب گبل الغروب بلكت اتعود غيدة محمرة وتروح من خدها الندوب وياهه حمد نشمي أمكلف أخو خيته او يعرف اسرار الدروب صبي ... صبي يا دموع العين صبي اوخلي ترتوي طيور السلام والعصافير الحزينة على اغصان سدرتنه تزقزق ما تنام تنتظر تموز جوعانه لو يمر !! لو ما يمر !! لو هو حلم مثل الاحلام !!!!!!!!!!!   14-7-2010

 

| الأرشيف |