آداب
الأثنين 12/10/ 2009
صور من العراق
جواد القابجي
jwadalkabchi@yahoo.deمرَّه حبّيت ابحياتي
اودارت اعليَّ المحن
گال تعرف وشْحَلاتي
أحله من جنّة عدن
گتله شسمك يا أغاتي
گاللي إسمي الوطن
منو مثلي محب عنده
مثل محبوبي جميل
بي فرات اوبيه دجله
اوعاليه بيه النخيل
غارت الحسّاد مني
اوفتحت اعليَّ العيون
رادوا ايبعدوه عنّي
وآنه احب ولفي ابجنون
مرمرت گلبي المنافي
ردت مثله او مالگيت
نبع اتخيَّله صافي
ورتوي كلما ضميت
هذا بيني او بين حبِّي
ألتهب كلّي اشتياق
اردَ اشوفك يا حبيبي
شعندي غيرك يا عراق
| الأرشيف |