آداب
الثلاثاء 10 /7/ 2007| الأرشيف |
بغداد يا تموز
نعمة السوداني هولندايا بغداد يم جناح
يوصل للسمه ريشه
يا بغداد ياعنقاء
من جوه الجمر
تطلع
ليله و الف ليله
يثلج الفي
يحلوه اطباع
يسوه الموت لاجلج
ميت الف
عيشه
يا طعم الحلاوة أرّوت
من نهرين
محفورة حفر
بالعمر
وسنينه
يا تموز يابغداد
يحجول النثايا
السابحه بالهم
ترن وي الفجر
وتشع
الف ليرة
يا تموز ياحب ياعرس
موالك بكل صوب
يغني نغمته
او يقره
على ليله
يا بغداد ياتموز
يا مفتاح كل الكون
ليالي السود
مانكضن غصن
منج أخذ
حيله
كيض الصيف يابغداد
مانشف نبع
وانتي ويصوت الريح
تبريله
يا بغداد يحليوه وغنج
ياقبلة العشاك
اشوفج صايره
اذليله
شجاج أشخالف الاوضاع
ميزانج ذهب تيزاب
والغيرج ابد ما مال
فد ميله
شنهي السالفه
احجيلي شنهو الحال
أبو دشداشه للركبه !!!!
لو لرهابي والغربه !!!!
لو أحنه تركنا العشك
والغنوه ؟
أو جسحنه الخير والنخوه
أوذبحنا الغيره والناموس
أو تركنا الغير
يلعب والفرح محبوس
ويبجي الحالنه المايسوه
واليسوه
يا بغداد ياتموز
يا تموز