الأحد 6/12/ 2009

خليّه علينه ......ابو قصي احمد الزبيدي – طشقند m_assalam@hotmail.com عدت للعراق وبلهفة بعد فراق طال 34 عاماعطشان لرؤية اخوتي واخواتي وابنائهم عطشان لرؤية اصدقائي اضافة عدت لاضمن جزء من حقوقي حيث كان املي ان انال جزء منها استقبلني الاهل والاصدقاء بلهفة وحب ودموع وشوق لسنين طوال - الا دوائر الدولة في مراجعاتي لها وياليتني لم اراجع فالكل يقول يمعود شجابك درجع اغاتي احسنلك واغلبهم اسميته ابوقصي حتى شاع هذا الاسم بين اقاربي وعندما اراجع دائرة اسأل ها خوما لكيت ابو قصي ( شخصية ابو قصي غالبة على كل دوائر الدولة ان لم تدفع يحدث هكذا لك ) اردت تسجيل اطفالي الذين ولدوا في اوزبكستان فترجمت الوثائق وصدقتها عند كاتب العدل ومن ثم وزارة العدل ومن ثم خارجية اوزبكستان وبعدها صدقتها في سفارة اوزبكستان في موسكو وبعد ذلك صدقتها في السفارة العراقية في موسكو اعتقد ان الامور لغاية هذه المرحلة مضبوطة عدت الى العراق طلب مني ان اصدقها في وزارة الخارجية طبعا ذهبت وصدقتها وعدت الى مدينتي المحاويل وزودت بكتاب الى جنسية بابل للتصديق وليتني لم اذهب اذ وجدت ابو قصي بنظارته واسنانه الصفراء وكشرته الحاقدة على كل شيء سلمته الاوراق وبدون ترحيب قال - خلي المعاملة واطلع برة – قلت بنفسي ياساتر استر – بعد فترة ناداني وقال هسه شنسوي اوراقك مامضبوطه - اجبته ليش استاذ - قال الختوم مامضبوطه جيبلي تأييد عن كل ختم انه مو مزور لانه الان التزوير كثير وهو يتطلع في وجهي - اجبته يعني اشلون اجيبلك تأكيد عن كل ختم ما مزور هنا ختم سفارتنا في موسكو وهنا ختم وتوقيع وزارة الخارجية العراقية والتواريخ جديدة – انتفض وهب هو ومساعدته وقال تريد تعلمني شغلي يعني هم تريد تكلي انت مضطهد من قبل النظام السابق ، وساندته مساعدته اي هو كلمن شد اصبع رجله يكول اني مضطهد من قبل صدام – لحد الان واعصابي باردة كبرودة يوم شتائي في موسكو – اجبته ببرود هو صوجنه اللي صدكنه ورجعنه من الله يطيح حظنه – لم اقل اكثر واذا بصاحبته تهب وتقول اشبيه العراق هذا العراق مدفون بيه الامام علي ( للعلم قبل يوم كنت انا وزوجتي وطفلي الصغير واخواتي واخواني في زيارة الامام علي وزيارة قبر الوالد والوالده ) اجبتها عمي شدّخل الامام علي بالنص ومنو جاب طاريه وبدا صياح وكلام لا يطاق فأخذني ابن اختي وقال خالو ذولة مو مال تفاهم يتفاهمون فقط بالمعلوم نوهلك الرّجال بس انت ما فتهمت – يعني قبل تهدد بانك تسب صدام والان تهدد بانك تسب الامام الله واكبر ياعراق !!!!!!!!!! اجابني ابن اخي خالو ذوله يعتبرون نفسهم من المتضررين لانه هذا اللي تشوفه كان عضو فرقة وجان كبل شايخ والان يعتبر نفسه من المتضررين لانه رئيس قسم فيحاول استغلال مكانه لاخذ الرشى والحقد على السلطة الجديدة وبعد يومين دفعنا المعلوم وحلت القضية وحينما دفعنا قال خلوه علينه ... شهادة الجنسية بدل ضائع ذهبت الى بغداد لمدة ثلاث ايام وجيب ورقة وجيب شاهد وجيب بطاقة تموينية وجيب صاحب البطاقة واخيرا سألت احد المراجعين فقال اخوي تره تظل شهر تراجع وتروح وتجي للحلة وما تحصل نتيجة فقلت نورني عزيزي .. تدخل الى عمر وتكله معود اليوم غداك عليه سيكمل معاملتك وكله شغلة عشرين الف بعدين تنطيه اله وهسه تشوف بربع ساعة تخلص معاملتك وكل الاوراق هاي اللي طلبها ما تحتاجه دخلت وانا بين متردد وخائف اخاف يصير وطني واترزل بس قررت القول وقلت اخوي عمر اليوم غداك عليه وهاي الاوراق اللي طلبته – تطلع عليّ عمر وقال انت متأكد شوفني معاملتك .. طبعا هذه المرة العاشرة التي يراها ولكن هذه المرة وكأنها المرة الاولى – خوش هاي معاملتك وذني الاوراق ماكو داعي الها لانه انت عندك كوبي . فأرجع كل الاوراق وقال انتظر سأناديك وفعلا بعد ربع ساعة نادى بأسمي وقال خذ هذه الاوراق واعطيها الى قسم الاستلام مددت يدي وهي ترتعش واعطيته 20 الف دينار ففتح المجر وقال ...متخليه علينه عجبا من هذه الجملة اذهب الى السوق اشرب شربت اعطيه الفلوس يأخذها ويقول خليه علينه اركب تكسي ادفع الكروة يقول خليه علينه اشتري قميص او بنطلون بعد الدفع يقول خليه علينه هذه الجملة الغريبة لم اسمعها في السبعينيات حينما كنت في العراق ودخلت هذه الجملة كنفاق لانه كيف تركب سيارة وتخليه على السائق او تشتري لحم او دجاج وتخليه على صاحب المحل واحد اقاربي ذهب الى المختبر وفحص واكمل الفحوصات فقالت له الممرضة خليه علينه فشكرها وذهب الا انها ركضت وراء ابنه وقالت له ان ابوك لم يدفع فدفع الابن وسأل ابوه بابا ليش ما دفعت فأجابه بويه هي كالت خليه علينه – انا من المتفائلين لكنني متشائم وخائف من هذه الجملة - خليه علينه - وخوفي وتشاؤمي ان تستغل هذه الجملة في الانتخابات والجماعة يخلوه عليهم وينتخبون بمكانه والله اني بس من هاي خايف لان العراقيين كلهم بدأوا يستعملون هذه الجملة وخاصة جماعة ابو قصي ولؤي وبعدين من تريد تكشف الامور وتستفسر يكلك ها انت عايش على الارض المدفون بيه الامام علي ويسوه طلابه علينه ويطلعونه كفره وما نخاف من الله واهل البيت وتعال ياعمي وننجبر ونخليه عليهم .