كتابات أخرى للكاتب على موقع الناس

 

السبت 4/10/ 2008

موّاويل زهير دعيم جبل النّور والتلّه وقمرنا وباسم الحبّ والجيره أمرنا لغير الربّ منسَلِّم أمِرنا ولو سدّوا علينا ألف باب بلون الشّمس يا حلوه لِوانا وعيون النرجس الغافي لوانا في ْربوع الوطن رح ابني لِوانا يسقينا حبّ على طول المدى بعد ربِّ السّما يا ناس أرضي هيِّ مهجتي وحبّي وعَرضي يوم نبيعها ما يكون مَرضي جدنا اللّي اندفن تحت التراب فدى الاوطان والاحلام روحي يا سمرا في الهوى طُلّي وروحي جليل الربّ هو سِرّي وبوحي وقصيدة حُبّ من كتاب الغَزَل طلعنا عَ جَبَل نزلنا عّ خَلِّي ما يوم غْدرتْ برفيقي وخِلّي أعطيني رِمش من رمشك تّ خَلّي الغنم تحمل عصا وترعى الذياب تركتيني وما قلتِ وين كُنتِ يا ويل القلب من هجرِك يا أنت دخيلِك اذا عالعين غردّتِ وبنتِ تسقي الكون كلّو ميجانا نسيت الكاس والبسمة عَ تمّو يا قلبي ارتاح ولا تتعب بهمّو محبوب الرّوح شَرَد ولا هَمّو وخلاّني مجنون يا أهل الهوى