السبت 1/3/ 2008

خير عدنه يا حسافه أمفرهد بوضح النهار صباح حسن عبد الامير العباسية من محلات كربلاء الشهيرة وتمتد الى مساحة كبيرة من مدينة كربلاء ، بناها الوالي العثماني مدحت باشا في اواخر القرن الثامن عشر و سميت أن ذاك ( الجديدة ) – و هي العباسية الغربيه الان - صممت شوارعها على طراز مدينة باريس و كانت تحفة الانظار و السامعين و اليوم صارت محلة عافها المسؤولين رغم ان دوائر البلديه و المحافظة و الشرطه و المحاكم ضمن حدودها، و لهذه المحله تاريخ مجيد ضمن مدينة كربلاء ، تاريخ سياسي وطني ارتبط بالتيار الديمقراطي اليساري من الخمسينيات من القرن الماضي و عرف سكان العباسية بالبساطة أذ جل ساكنيه من الكادحين و شغيلة اليد و المثقفين و التجار الصغار يحبون وطنهم ، تميزوا بارتباط صميمي بافكار و ثورة واستشهاد سيد الشهداء الحسين بن علي بن ابي طالب و صحبه الشهداء الميامين وكان لهم موكب عزاء في محرم الحرام تحول بمرور الزمن الى ( موكب - تظاهرة ) ، صوت للحق بوجه الظلم ، صرخه الشعب بوجه الظالمين صراخ الناس بوجه المتقاعسين عن خدمه الشعب عادته حكومات الظلم السابقه  : موكب طرفنه أبكل سنه بسمك شعاراته يحسين منك يستمد عزمه و نضالاته القصد ما فهموه هاي المشكله باحقادهم تهموه هاي المشكله يحسين تدرينه محد يلاوينه وأرتبط مع موكب التظاهرة مدرسة من الشعراء الشعبين كانوا مرآة لهموم الناس و قادة ينقلون صوته المكتوم ، تصدرهم الشاعر الشيوعي الشهيد عبد الزهرة الكعبي  : شعبي كالجمل اكله صبح عاكول لكن عل الظهر كله الذهب محمول شنهو الذهب مفعوله لو حاير بعاكوله كان الشهيد لسان حال الشعب و ضيف سجون السلطة عجزت عن كم ابداعه و صوته ، ورغم نجاح الحكم الصدامي في سلب حياته و اعدامه و لكن صوته لازال في ذاكرة كربلاء حتى اليوم : من كبل نكسة حزيران أبتلينه بالحجي الفارغ و يا محله حجينه ألف تهديد و وعيد بالخطابة و النشيد أجهزة أعلام ما عدنه سليمه ابو اليمه هذي أسرار الهزيمه واليوم بعد التغيير و القضاء على عهد ظلم البعث الصدامي ، شابت تجربة الحكم الجديد معضلات كثيرة كان على راسها فساد الحكم و فشل الطبقة السياسية الجديدة في تحقيق طموحات الشعب و تضحياته فاستشرى الفساد وكثرت اطماع الجيران بنا فشجعوا عمليات الارهاب و النزاع الطائفي و مد الفساد اخطبوطه على مفاصل الدوله و الحكم و احزاب النخبة و صار نهب الثروات سمة غطت على تجربة الحكم الجديد و على الحكم الديمقراطي الوليد : ألما يعيش وي الشعب يجهل معاناته و ما يكدر أيحل عن بعد و يعالج أزماته ساستنه بره تعيش هاي المشكله وأنريد نعرف ليش هاي المشكله يحسين تدرينه محد يلاوينه * * * يكفي الصراع أعله المناصب يا سياسين الثمن غالي و الضحيايا أحنه العراقيين علتك منك بيك هاي المشكله بيدك جويت أيديك هاي المشكله يحسين تدرينه محد يلاوينه * * * يوم الصعدتوا و أديتو اليمين و لخدمة الناس صرتوا ملتزمين أيمان كلهه مزيفه و الحجي مكلوبي صفه يحسين وياك وياك جددنه العهد كانت الناس في كربلاء تنتظر هذا الموكب – التظاهره كل يوم و رغم خروجه المتاخر ، تريد ان تسمع ما يلج في صدورها من الغيظ و الانكسار ،تستمع الى هذه الهوسات تختار من تقترب من أفكارها و أحاسيسها تنتفض معها و تدخل في الموكب و تحيله الى تظاهرة عارمه ترفع الاكف.. تصرخ  : أسمي بالحصاد و منجلي مكسور خلتني الحكومة أشبه الناعور ذاك عياله متخومه وأني أطفالي محرومه ميموت الشعب و حسين أبد مايموت * * * يا هو اللي تريده ألمالك أيصونه يطلعلك حرامي يبوك بالخونه أبلا ذمه و لا غيره الوادم صارت بحيره ميموت الشعب و حسين أبد مايموت . . . الله و أكبر جريمة تحترك بغداد دار أهل الفكر و الكرم و الامجاد مجروحه و لجمتوهه عروستنه و ذبحتوهه هيهات هبهات نتقبل الذله يقترب الموكب و تظاهرته من ابواب ضريح الامام العباس يرتفع الصوت تهتز الاكف تتوحد المشاعر : تقدم مطاليبها لمن يحس بألامها الحياتيه ياشعبي رادوك بالفتنه تطيح ظهرت الاحقاد و الوجه القبيح جيران ألنه بلا ذمم ما عده كل ذمه و قيم يحسين وياك وياك جددنه العهد * مجروح الوطن محتاج جم خياط ياهو ال الشريف أيصير أله خياط أنريد أليعتني أبناسه مو بيهم يحد فاسه يحسين وياك وياك جددنه العهد * مثلك يالرضيع اليوم جم مذبوح من أطفال العراق و جم رباب تنوح سهم الظالم ألصابك اليوم يصيب أحبابك الله الله أشمصيبه * يخرج الموكب التضاهرة من مقام الامام العباس وعيونهم ترف الى مقام امام الثائرين ، كثر الجمع و أزدادت الايدي المرفوعة و هتافاتهم : حسين يادرب التحرر للشعوب من القيود بالدمه هاي المعاني أنطبعت بلوح الخلود ياعراقي الجبيين و قوي لا يلين يا أمامي يا حبيبي ياحسين * برميل النفط علك على التسعين تاليه الشعب يبني بحجر و بطين علينه أنعكست الحاله شعبنه نصه بطاله ميوت الشعب و حسين ابد ما يموت * بخبز الشعب لا تتوطون يلي تبيعون بينه و تشترون كلمن ظلم هذا الشعب تنصب عليه نار الغضب يحسين وياك وياك جددنه العهد الكل يشارك بالمشاعر و الصوت و الايادي المرفوعة من كان في موكب التظاهرة او خارجه فالهموم و المطالب مشتركة و هم الان في ختام مسير الموكب التظاهرة عند ابواب ضريح سيد الشهداء توحد الجمع و توحد الهم و هتفوا : خير عدنه يا حسافه أمفرهد بوضح النهار و الحرامية أل أجتنه أمبركعه بأجمل شعار اين حق الفقراء ضيعته الادعياء يا أمامي يا حبيبي ياحسين ملاحظة / نقلت كل الفضائيات الدموع و البكاء و النحيب من المواكب الموجودة في كربلاء و هربت من تصوير و نقل مراسيم هذا الموكب – التظاهرة و الاسباب نتركها لتقدير القارئ 25 / 2 /2008