د. صدام فهد الأسدي

 

| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

 

 

 

 

 

الأربعاء 11/10/ 2006

 

 

الى الشاعر رحيم الغالبي ردا على قصيدته ...

يا طير بستاني الوحيد ؟ كيف اقتتطعت من اجنحتي شجرة لتحلق الى فضاءات الغربة ؟

الى الشاعر رحيم الغالبي - مابعد الخط الاحمر

د. صدام فهد الاسدي

قبل القصيدة ؟؟؟؟ قالت لي عام 1973م انت فقير وشاعر ؟؟؟
صح لون عبتي على فقري ودوريتي عشك اخر
الكيتي كدامج حديقة موردة والغصن زاهر
والفلوس تجيب كلشي وتشتري اغله الجواهر
بس جذب لو كلتي اكدر اشتري فد يوم شاعر؟؟؟؟؟؟
حتى شاء القدر ان يصبح المضمد البيطري استاذا جامعيا ويترك للوطن ابناءا اطباء مشهورين؟؟فكم كافحت بعصامية وصبر يا رحيم؟؟؟؟؟؟؟

1
ليش الجهل يستاذ بالوطن راسخ
وياحظي المسكين بس ظيمي ناسخ
كيس الملح اشريه ويطلعلي ماسخ
2
علمت هالاجيال شعر الشجاعه
واولادي ستة اسباع بلطب فضاعه
هالنوبه خلف الناس محطم يراعه
اكضيها باللوعات صبر وقناعه
3
ظنتي الفكر اليفوز يا غالبي وطاح
بعد الندم شيفيد تدري العمر راح
العنب حامض حيل مو جفي مالاح
يمته الزمن يندار والشعر يرتاح
4
كلتلي كبل اسنين مرتي واصدها
عوف الشعر صدام بالنهره اردها
تالي الحديقة النوب يذبل وردها
هذا الزمن سكين ظلمة يحدها
يمته القصيدة تكوم يكسر زندها
5
ها وصلت الستين واحلم بالاحلام
خلصت دكتوراه واكسر بالاقلام
واكتب شعر بطران للسه نيام
خل تشبع الجهال من لحم الاغنام
وانبارك انه وياك نحسب بالعظام
6
ياغالبي شمدريك دنياك أهي تصيح
كالوا ابد لتسير بمعاكس الريح
خلوني جثة النوب بس توكف اتطيح
بس للحواسم هاي والباقية تشيح

بالاحمر تخط ليش خط باقي الالوان
انه على درب الموت بس عوزي دفان
ياغالبي انته ادريت شكد سعر الاجفان؟؟؟
بس انشد الخطاط دولاره ربحان

غالبي دنياك صارت عفرطه
دنية مدري شلون كلها مخربطه
تفر بيك وتفر بيه جني طوبه مخيطه
دنية لاتعتب عليها التظل بيد المزعطه