كتابات أخرى للكاتب على موقع الناس

 

الجمعة 8/5/ 2009

العراق سامي عبد المنعم العراق ... اللي نطرته اسنين يابو اسنين مسرح صار للعفنين مسرح .. للخطف والذبح والتفجير العراق.. الچنت اوزع بي مناشير العراق.. الچان وحده ايعاند الدنيه اول من كتب عالطين مهد اول حضاره انولدت ابهلكون يا اشور .. يا سومر وبابل والسوالف والمضايف والفناجين ياعاشگ ايون ابگلب البساتين يا سعف النخل والبرحي والقداح يا بلبل سكر من عسل تينه وغنه مرتاح يا شمس الظهر.. يا تعب فلاح يا چاي العصر واتدير الاقداح يا مصباح ... يلباگوا ضواك ومنعوا الراح يل خلوك بس دم وحزن ما تعرف الافراح كل ليله اشد جرحك .. واتصبح جديده جراح اشكثر داست عليك اجيوش يابو اجيوش گمت من کبوتك مثل المهر .. ما همك السفاح چم باغي ونذل .. سل سيفه ضدك حته لا ترتاح چم موتور .. فجّر حقده بصفوف المدارس والمساطر والمساجد والكنائس هذوله مو بشر .. عارات يخافون الاغاني والضوه وحتى المنارات هذوله ابدم شعبنه الطيب ايسكرون على هيئة بشر بس عدهم گرون فتوا فتوات سوده.. اتحلل ابذبح العراقيين حته ويه النبي بالجنه يتغدون بريئ الدين من كل حاقد وغدار ورموز الظلام اللابده ابسده معقوله اليذبح ابرياء الناس ويه النبي يتغده عراقيين نبقه ولا يهزنه الريح بحر مهيوب دوم ابجزره وابمده