كتابات أخرى للكاتب على موقع الناس

الثلاثاء 6/10/ 2009

يا ليل سامي عبد المنعم ولك ياليل يمگصر المسافات عليش اتكثر الطعنات بيه جبتلك من ظلام ايامي ضويات ونثرت اسنين عمري واهليه إشمالك ما تجيني ابليل ياليل وإتشوف الهموم اللي عليه گبل يا ليل چنت أوياي فد روح إتنسيني التعب وإتريح البا ل وچنت بمسامر الخلان مفتون ولو ظيم العليه ايهد الجبال إشكثر ضويتلك من وحشتي شموع ولا فد يوم إجيت أشكيلك الحا ل ولك ياليل ليش إنسيتني إبساع أو عفتني ورحت من شفت الحمل ما ل چنت تسهر الليل وياي يا ليل هسه إتكبرت وإتغير الحا ل نعم ادري الوكت دوار وإيخون ويمشي أويه الردي المسموم الافكار مرات الكديش إيسابگ الخيل والمهر الاصيل إيفوته مشوار أو مرات النذل يصعد على الزين لان طبع الزمن للزين غدار فوگ البحر تطفو زبالة الروج والدر الثمين إبقعر البحار الدخان اذا يصعد مسافات مو معناها يكسر قيمة النار الذهب ينوزن بالحب والمثاقيل أو باقي المال يتوزن بلطغار بس بالتالي يبقه الزين نبراس وإيظل الردي متگبع ابعار