| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

سامي عبدالمنعم

 

 

 

 

الجمعة 5/2/ 2010



زهيريات

سامي عبد المنعم

اشگد تحمل اهموم خايب يا گلب عافاك
اللي اتوده نساك او بالغرب عافاك
ما يوم دهرك من انياب الزمن عافاك
ضليت بالكون تايه ما الك فد وطن
اشباه الارجال اصبح صيت الهم وطن
وهامات الاشراف حدر امن الوطيه وطن
گالوا اساس الغنى ربك اذا عافاك

وكت النفاه اتصير ربعي ميايه والف
اكتب لجل حبهم اجمل اشعاري والف
تاليها وحدي ادور ابحر شوگي والف
ما يوم من هالزمن افرح وياهم صاح
كلما اگوم ابعزم اگعد زماني صاح
لاانه سكران عافوني ولاني صاح
ولا صاحب البي وفه الروحي احسبه ولف

ما ضگت حلو الوكت يا صاحبي بس مر
ياريت حكم الزمن يعدل معي بس مر
النذل من شافني ابچلمة هزل بسمر
غلست عن النذل ولدياركم حنيت
ما يوم ظهري العثرات الوكت حنيت
الموت مومرات ينزل عالبشر بس مر

من جور ضيم الوكت احنه ابسجن ما نزل
اغتصبوا اديارنه وصرنه ابوطنه نزل
رادوا انبيعك غصب وعن حبك احنه نزل
يلچان عزمك شديد او چلمتك وحده
اصبحت مهزوم عفت العاشرك وحده
الشامت ابعيسهم ساگ الضعن واحده
الردي عله او صعد والزين جوه نزل


 

 

free web counter