كتابات أخرى للكاتب على موقع الناس

الجمعة 4/6/ 2010

زيتوني سامي عبد المنعم عاشرني الحزن من يوم شفت النور وسنين العمر شده باثر شده كضيت الوكت عايش اهموم الناس ماهمني الزمان اشجاب واشوده اقنع بالقليل الحد وشال العوز والموقف الدوني ابكل وكت ضده اشكثر ضكني الوكت ضكات حد الموت بس ضليت شامخ دوم واتحده اصبر عالجرح بلكي الزمن يندار وا شوف اشضاملي وبعد اشكثر عنده گلت عبرة وكت وايزول هالجيثوم اثاري اهل المحابس شايله العده لابس بدلة الزيتوني گبل اسبوع او من طاح الصنم راسا نزع جلده لبس لحية وقار او چوه گصته ابساع ما يدري المنافق طينته ابخده ما يدري اليتامه امفتحه بالتيزاب وتعرف غايته واشچان واشعنده جايب من صفاة امريدي دكتورا وجواريب الرجل من كل شكل فرده بالدگ واللطم گاعد ايلهي الناس وافراد العصابه اتفرهد ابسده ناس ابلا خجل تسرق المليارات او ناس امنلزباله اتروح تتغده