كتابات أخرى للكاتب على موقع الناس

الخميس 3/9/ 2009

ومضات سامي عبد المنعم الى اصدقائي الشعراء الذين جعلوا من انفسهم مشاريع لمقاومة الظلام والفاشيه مظفر النواب منهو يگدر يقره گلبك .. غير نرگيلة حزن والريل واشوية اغاني على المامش .. شايل سنين العمر شدة اماني ذايب ابحب الناس والدنيه گصيفه گلبك التعبان ما بطل نزيفه يا طعم كل العراق الدايخ ابليل البنفسج يا مضايف هيل .. يا منجل صويحب زنجر امن الحزن چي ما اخذ حيفه عزيز السماوي أصابيعك إتوج شموع بالظلمه قصايد وقميصك ايصد چف الريح وايعاند صهيل اچفوفك ايطرز هوى الليل نهر عاش العمر كله عزيز وعالزمن شاهد عريان سيد خلف أحبك مو محبة بد وفه وچذاب ولا صحبة وكت يومين واتعدي ولا عشرة طمع ومسامر او گعدات ولا برگة صفر باول نده ايصدي ولا اريدك محطه ابيوم وكتي ايميل ولا طمعان بيك اتجيب واتودي ولا خفيت جدمي ورمت هذا وذاك اصاحب كل شريف الگصته اتندي   كاظم الركابي يكاظم .. هيجت بالروح الاحساس ما چان اعله بالي اتخلي و اتروح يريت الموت .. يسمع .. يحچي .. ينجاس وادليه عالردي وعل لازم ايروح مثل شجره أو ولاها الوكت بالفاس كل يوم اليمر لن اسم ممسوح [ چا بعديش ..؟ سر او فضحوا ضلوعه ابثنايه الگيش ]   رياض النعماني إتخاف اتطفي شمعه .. وغيرك ايطفي الناس وتنحني اللفحة سموم امنلجنوب وعطر ياس تسكر ابريحة بنفسج .. والقصيده اتصير كاس تغضب الدمعة طفل .. واتذوب من الخجل .. من اتشوف ظالم بيده فاس   رحيم الغالبي صافن ... وكلك خجل من الجدم للراس اتفكر ابدنيه جديده .. اتشيل هم الناس ايصير كل الكون بيتك من ايدب دبيب الكاس اتصير كل الشطرة بعيونك حديقه وتسكر احروف القصيده ياهو يو گفلك ..؟ ابعز الخوف من تحمه الحديده [لتعبرين .. اخاف اعليچ لتعبرين احس روحي جسر من طين ]   كامل الركابي غني ... خل حزنك ايطش عالكون غيمة گلب شاعر ودخن اسنين العمر بهداي عطشانه الجگاير اشكثر اذانه الوكت .. وداسوا علينه انذال وملتنه الدفاتر انته هدوة ليل .. وعرگة مستحه وصفنات شاعر عيش يومك .. ولا اتضل حيران واتفكر اشراح ايصير باچر