كتابات أخرى للكاتب على موقع الناس

الجمعة 27/8/ 2010

قصيدة الملا منفي الفراتي (نور الذي ابخدك لاح ) وهي من بحر ال (چلمه ونص) سامي عبد المنعم نور الذي ابخدك لاح يشبه النور المصباح مصباح لاح ابوجنتك اتنور واتشع طلعتك باهل الهوى سهمك فتك اللي سلم واللي طاح يا غصن بان ويابدر يمته تصل طال الهجر وارتشف من ثغرك خمر اعذب واصفه امن الراح مليت ولغيري ملت والهم هواك اتحملت ويه الصبح لوگابلت وجنتك احسن مصباح ماتجبرالولفك كسر واطباعك الصدوالخزر اللي على شخصك يمر ينچتل من غير اسلاح ماغمض جفني ولا انطبگ سابيني من دون الخلگ انته ابشنگ وانه ابشنگ لا اتبده بعده او لا فاح راويتني انجوم الظهر وافنيت بهواك العمر لومتت مراعله الگبر باللحد وافرح وارتاح سليتني اوگلبي التوه يالشايل الحربي لوه سالب اعگول اهل الهوى ومن تخطف اتخطف ارواح بهواك ياريم الفله نوحي كثر وني عله عگلي انسلب چبدي انسله دمعي جره وسري انباح ماواحدالحسنك حوه يل وصلك العلتي دوه من وجنتك بان الضوه اومن خالك العنبرفاح ماونت الخنسه الصخر وني او جرح گلبي كبر بايام عاشور وصفر محد مثل نوحي ناح جسمي خوه اورك النظر وامحمل اهموم او قهر صدگ الغيرك ماسهر جفني ولا دمعي ساح مانفترگ گلبي نوه واعمارنه نگضي سوه لاچن يمحبوبي الهوه يجري ابعكس الملاح حيلي ابعظم حزني ضعف والدمع يهلي اولانشف عضيت اصبعي امن الاسف بجفاك واصفگ بالراح ماحصلت منك نفع غير البچي او صب الدمع عندك ابد ما ينسمع صوت المتيم لو صاح روحي اتلوج امحيره واحملت ظيم الماجره وياك دلالي سره وجسمي امدد سباح