| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

سامي عبدالمنعم

 

 

 

 

الجمعة 23/3/ 2012



ليل ومحطات

سامي عبد المنعم

طشرتني أو صرت كل وصله إبكتر
وانته ما تگدر إتلم أكتاري
آنه بيدك مثل خرزات اليسر
وصوت نايل والبلم عشاري
گلت تچوه إتصير إلي ابتالي العمر
أو ورجيتك عله كل أسراري
احسد الريح العله شعرك تمر
حته لو چانت سموم أو ذاري
آنه گضيت ابزواغيرك عمر
وإنته حته ابغربتي ما داري
آنه أون الليل كله إمنلعصر
وإنته بس تطرب عله اشعاري
من كثر صبري عجز حته الصبر
والبرد ضل إيتدفه إبناري
انته تلمع مثل نجمه إعله الصدر
وآنه محتار أجلف إبزنجاري
إبكل دقيقه إيورث إبروحي جمر
وتبقه بس مشغوله بيك أفكاري
صرت نكته أو سالفه إبچاي العصر
وانته فرحان أو تدگ زنجاري
صرت للمايسوه واليسوه جسر
كلها تعبر وآنه ضد الجاري
آنه علمني الوكت طبع النسر
دوم أعله إمنلنذل تلگاني
 

 


 

free web counter