كتابات أخرى للكاتب على موقع الناس

الأحد 21/6/ 2009

هسٌه وكتك سامي عبد المنعم الليله ... كل اغيوم گلبي اتلملمت واتريد تمطر زقفلت باب النوم طفيت الحچي حظرت الاغاني الي اتجيبك وگلت من اجديد نبدي لملميت العتب كله وسكتت باقي الحنين وشعلت اشموع وحدي ذابن اشموعي ... ولا منك خبر بردلي چبدي وانتظرتك عمر ماخذني الواهس گعديت الليل من نومه وشعل وياي شمعه بلكي طيفك ينسه طبعه ايزورني ويرسم على الشباچ دمعه گمت احسب كل خسارات العمر ودار بيه المستحه .. مثل اليريد ايخون ربعه عاتبيتك .. بينك او مابين روحي خفت ياذيك العتب وتسيل دمعه استاهدك تعبان كلش نومت كل البچي الماخذني .. وابروحي بچيت ما دريتك تحسب ادموعي چذب وانه جايبلك ترس عمري لعب العب العب .. هسه وكتك وهسه يحله وياك ياعيني اللعب هسه وحدك ... وحدك اتجيد اللعب بس وحدك انته لو خذاك النوم تندم وما اتشوف ابعمرك اشوية مسافه البيها تلعب انته دوخت الزمان ابهمتك معقوله تتعب ؟ هسه وكتك باللعب وانته اللعب وانته الملعب