كتابات أخرى للكاتب على موقع الناس

 

الأربعاء 20/5/ 2009

ابقه وياي سامي عبد المنعم ابقه وياي .. اترجاك ابقه وياي اتصوٌر گرب تالي العمر واتزهزبت دنياي ابقه وياي ... انه اسمع نبض گلبي تعب بلٌش يدگ بهداي ذبل عودي ونشف دمع الجفن ما ظل بعد بي ماي ابقه وياي .. حته احچيلك اسراري واورجك على اهمومي وصفنتي وبلواي ابقه وياي ... ما اريد الغريب ايشوف دمع ابچاي چنت مهيوب عند اهلي وحنين الوالده التتنومس ابطرواي اشكثر ضكني الوكت واتنزرت روحي وگطعت افياي بتل بيه الصديج الامنتله اسرار گلبي وگصت دنياي اكابر والعذاب البيه رايح جاي اشكثر گتلي اجيك .. وگمت احسك من صدگ جاي نسيت اسنين صبري ودامنت عالظيم الغرگان شيهمه ارتفاع الماي غربة .. وطولت حد الگبر ماگمت اميز صيفي من اشتاي كلشي بالغرب ما بي طعم حته استكان الچاي