الأربعاء 19/8/ 2009
القلم
سامي عبد المنعم
الى شهيد الكلمه والوطن كامل شياع
مصخت والضماير ساگها التيار
وطش ريح العفونه ابكل مچان وفاح
لبس ثوب الحزن كل شارع وكل دار
ورموز الحقد تذبحنه كل مصباح
ما همهم طفل لا ام ولا فنان
ايخافون القلم يتصورونه سلاح
طفح زيف النذاله اوبين المستور
من شفنه اليتاجر بالوطن ذباح
خافوا صوت [ كامل ] لان صوت الناس
ما يردون صوت الحق ايضل صداح
يردون الظلام ابكل مكان ايسود
لان بس بالظلام ايعشعش السفاح
[كامل ] مفخره ايغطي الوطن بالطيب
ايريد ابكل مكان اتورد الافراح
اول من رجع الارض الوطن مسرور
من شاف الصنم بالخسه ذاب وطاح
ما همه التعب لا همته الصدمات
ولا حچي اللئيم ولا مدح مداح
بس همه السعاده اتغطي كل انسان
وايعيش البشر متونس او مرتاح
سنه مرت علينه وما عرفنه الكاتم امنين
سدوها القضيه وشمروا المفتاح
معقوله اليضحي ابروحه لجل الناس
شربة ماي موته ايصير ...؟
لان شايل قلم ما شايل سلاح