كتابات أخرى للكاتب على موقع الناس

السبت 18/7/ 2009

بغداد سامي عبد المنعم بغداد .. يمكحله يم رگبة الحلوه مبيوگ ليش الفرح من شفتچ گوه بغداد نجمة صبح والليله دخلتها اكحيله وشبگها الهوى ونام ويه گذلتها بغداد.. ليش ابدمع تطرز اخدودچ مو انتي ام الغنه ياهو الكسر عودچ بغداد.. شهگة محب فز ولگه احبابه اتحمرت شفتچ بالدم يحبابه گليلي يمته الفرح يفتحلچ ابوابه جبنالچ الزفتچ ... حنه .. او ورد .. وبخور شفناچ حزمة ضوه وامطعمه ابلور طلقه وعشگها الزمر ... بس تبتسمله ايثور يا محله عرس التفگ لو هلهل الشاجور بغداد ضحكة شمس والزلف هلهوله يحبيبه ليش الدمع صاير الچ سوله گليلي شو هلصبر..؟ چا خلگچ اشطوله ...؟ بغداد.. انتي الامل وانتي العزم والحيل لابد يجيلچ صبح مهما يطول الليل