كتابات أخرى للكاتب على موقع الناس

الجمعة 16/10/ 2009

مكتول بالسكته سامي عبد المنعم الى الوجه الذي لا يعرف الخجل ... من صيد أمس .. مذبوحه بشفافي ضحكتي وعيني شح بيها الدمع والچلمه مصلوبه على الساني وحچي الباطل كسر مني ضلع حته العتب .. شد الرحال وشال والسكته أصبحت بيه طبع لو ادري إعتابي ايطيبلي جرح چان اعتبت ... او چاورجيت الناس كلها وبالف ليش اتحزمت ولو أدري إبفزع الگرابه إيرجع المذبوح هم چافزعت ... وچاحشمت من عادة المخنوگ يرفس أنه مخنوگ إسكتت ياصاحبي ... مصلوب حچي الصدگ بحبال الچذب الدنيه مرجوحه ويدولبها الهوى وتلعب على إزلوفه لعب يلصوتك إيلعلع مثل غناوة المكسور عوده آنه گلبي وياك صافي وإنت ناويها إعله سوده آنه ذاك آنه.. مهر لشياع وصبرت العمر كله اعله موده يلي تصرخ .. آنه وآنه .. شنته ونته ؟ إنته يمته ..؟ اتحنت اچفوفك إبسرگيها ..؟ أو صرت جايوس.. يمته ؟ إنته يل بس إسمك إبنادم .. أو موش ابنادم انته إنته يلعاشگ إبغير وچاد ... واليعشگ إبغير وچاد يتگله إبحسرته انت يلي إتمرجحت علجاي والرايح أخبرك هالتمرجح ما إيفيدك صيح ابصوتك العالي .. وإطرب الخيبة نشيدك لابد إيجيلك فرد يوم ... أو إيدهديك الوكت يمي أو أصيدك وأصرخ إبكل صوتي باذنك .. عوينتك يل كتلتك صارت إمنيدك يلي من دمك اتصوغ شراع شلك بالشراع إبلا سفينه ؟ أو شلك ابهذا الچذب ..؟ يلما حچيت إبچلمه زينه إنته من إتحزمت وإتگول إجينه إشلون إجيتوا ..؟ إحنه من ذاك الوكت لليوم نتمشه اعله إدينه أو لو إتريد ابحچي المزامط اخبرك الحراميه الغزوا ديرتنه من عدنه أو علينه احنه بارود ابزمر تفگه .. إذا يوم انولينه إحنه لو جار الوكت ... كل واحد إيموت إعله دينه إحنه سمچة هور مشتوله إبگصب وإبريحة البردي ربينه إحنه عذره .. إتحنت ابتاج الشرف من صغر سنها الحد صباها إحنه حية بيت ما تلدغ البيت الي جناها [ متطويه أو سمها إعله إعداها ] 1973 قلعة سكر