الأثنين 15/2/ 2010
سحرسامي عبد المنعم
الى الشهيده المناضله سحر امين منشد
سولتنه انريد الناس احباب
ونهوه الورد والالوان والليل
اهل طيبه وصدگ ما بينه چذاب
ولا نرضه ابجدم يتعمد الميل
لاجل حب الوطن والناس والگاع
صبرنه اتحملينه الاه والويل
زرعنه الطيب بدروب العذابات
ابصبر واحبالهم چانت مراجيح
غنينه ابنشيد الموت مرات
وتلگينه الشهاده ابغير تصريح
لا وينه الرياح ابعزم سفان
السفن ماهي سفن لوما اتلاوي الريح
وابد مانرهم اويه الكان ما كان
القفل چذاب لو رهمن عليه كل المفاتيح
وحگ رگبة ( سحر ) وعيون الاطفال
ايطيح الكون كله وابد ما انطيح