كتابات أخرى للكاتب على موقع الناس

 

الثلاثاء 12/5/ 2009

وتر مگطوع سامي عبد المنعم ما ظل ابعمري وتر متگطعه اوتاري چا بيش اغني بعد بيش اكتب اشعاري طفوا ابگلبي الضوه وامسيت وحشة حزن لا روحي تنسه المضه ولا انته گلبك يحن كسروا جناحي .. وصرت طير وبلايه جناح امنين اجيب الضوه .. من ينطفي المصباح خليتني ابوحشتي وانته ابطرب وافراح جرحني اشما ردت بجروحك انه ارتاح جرعني كاس الصبر بيدك اسگيني الراح بس لا اتخيب الامل واتذبل القداح واحسب احساب اليجي مالك شغل بالراح وهمان چنت اعتقد گلبي نساك ومات سديت باب الحچي والعتب والزعلات فز بيه ليلك غفل واسكرت من عطرك الليل داخ وسكر من شم عطر صدرك وذاب الحرير ابخجل من سرحت شعرك تدري اشكثر تانيت .. طيفك يجيني ابليل كل ليله ارسمك سهر وعتاب ومشابگ ما چنت ادري الزمن وياي يتسابگ ولا حسبت هالبعد وسنين نتفارگ غربه وجحيل وبرد وحدي ونديمي الكاس كل هذا ما ايست والتذ ابحب الناس ولا زلت انت الامل وطيوفك الوهواس