كتابات أخرى للكاتب على موقع الناس

الأربعاء 12/8/ 2009

اتهده ودگ رجلك بالگاع سامي عبد المنعم الى الشيخ الصغير : تضامنا مع الصحفي احمد عبد الحسين اليوم الدنيه امشمله وياك باچر شرجي اتصير ابساع شفت [اصديم] من اتهور ابرمشة عين ذاب وماع اتهده ودگ رجلك بالگاع بالگاع دگ رجلك ومش لا تهمش الوادم همش الينتفخ لابد ايفش يرجع ابصاعين الصاع اتهده ودگ رجلك بالگاع لو رايد توصل للجنه مو تقمع واتروع اهلنه تدري احنه اشگد اتحملنه ومثلك شفنه اشكال انواع اتهده ودگ رجلك بالگاع شفنه وجربناكم كلكم من خيركم الى سافلكم لا تتصور كلمن يحكم ضد الروجه ايشيل شراع اتهده ودگ رجلك بالگاع شفنه الضيم وشفنه العوز من چنت ابلبنان اتكسر جوز اطحين اسود چانت خبزتنه وانت اتورق دولارات وتاكل موز وتحسبنه زمايل ورعاع اتهده ودگ رجلك بالگاع معقوله انت اتمثل دين الرحمه واتريد ابهاي العقليه تقود الامه تحسب نفسك رافض للدكتاتور وظلمه وبس انت ابهلدنيه شجاع اتهده ودگ رجلك بالگاع حوريات اتريد وجنه واحنه البگ والحر كاتلنه ملينه .. ومللنه اهلنه ما ظل شي عدنه الينباع اتهده ودگ رجلك بالگاع لا تستعجل يا مغرور عالباغي الدورات اتدور بوگ وانهب وابني قصور تعرف تاليته الطماع اتهده ودگ رجلك بالگاع همزين الله بالمرصاد الكل مغرور وكل جلاد لو ظلت بيد العباد چا ظلينه ابلا مصراع اتهده ودگ رجلك بالگاع بالتيزاب احنه امفتحين ونعرف بيك انته امنين مو ملينه يمعودين يا شيخنه صيتك شاع اتهده ودگ رجلك بالگاع