كتابات أخرى للكاتب على موقع الناس

الثلاثاء 11/5/ 2010

مليت سامي عبد المنعم مليت اسنين الغربه ومليت اهموم الليل تعبني عتاب العاذل ولهجرك مالي حيل لنته اتطيب اجروحي ولاني امبطل نوحي شينشف ادموع العاشگ لو صبن تالي الليل بالحسره اتگب بفراشي وشكبان اهموم ما بطلن دمعات اجفوني ولا مر بيهن نوم بالهم واليا ويلي امگالب انه او ليلي لاطيف ايكحل اعيوني ولا ملگه ايشد الحيل روحي الهجرانك متعوده ومگدر انساك بسمار ابلوحه اتبسمرنه يمدلل انه وياك خايف عشگك يكبر ابگد الدنيه واكبر واحتار ابعطرك شيلمه لو طش ويه الهيل ليش اتعذبني ابچوياتك واتشوغ الروح ما ضنيتك هلگد قاسي ابغير اوداع اتروح لو تعلگلي العشره ما ارجع للعشره ارجوك اتركني ابحالي ولتخلي ادموعي اتسيل مليت اسنين الغربه ومليت اهموم الليل تعبني اعتاب العاذل والهجرك مالي حيل