ناصر الثعالبي
الخميس 5 / 12 / 2013
وداع .. احمد فؤاد نجم
ناصر الثعالبي
ودع سؤالك لحالك ..وارتحل بسكوت
مو انت اول نبي .. يتسامح اويه الموت
ظل جرحك اشما نشف .. بيه النداوه اتفوت
ما مات من غنته .. الناس باجمل صوت
صوت الغلابه العدل .. وبثورته موقوت
ودع سؤالك لحالك .. وارتحل بسكوت
ودع سؤالك لحالك .. والوداع بدم
الندم طبع الليالي .. ونت ما تندم
صبرك تلبسه وتغني .. البلوتك والهم
وبريح صوتك .. عصافير السما تلتم
ياقوت تنثر على .. جف الزمن ياقوت
ودع سؤالك لحالك .. وارتحل بسكوت
هذي (بهيه) على ..نيلك تطش الحزن
وبصوت كسر الكلب .. مهظومه يمك تون
(لاكتب على عيني .. يحرم عليكي النوم
و احبس ضيا عيني .. بدموعي طول اليوم)
كل لحظه من تنفقد .. نجمه عليها تحن
مجروح هذا الوطن .. زادت عليه المحن
وشما وسع حاضنه .. ما يوسع التابوت
ودع سؤالك لحالك .. وارتحل بسكوت
فنراي