ناصر الثعالبي
ألمدينه
ناصر الثعالبي
ألكمر .. ماكو...كمر بالليل
وحشة ناس تعبانه
يغطيها عمر مكدود
رمده عيونها
من الغربه سهرانه
سوالفهه.. سوالف موت
مابيهه صديق
إيشوف خلانه
ولا بيهه عتب ينكال
كلمن ساد بيبانه
المدينه
إتسولف بصيحات
محد سمع وجدانه
تمنيت بتوالي الروح
أهج بالهور
مردي وتبع سفانه
واسولفله
اعلى روحي العاشراها فراك
ابنص الوهم غركانه
ندم ياخذهه للعشرين
لمعيدي التبعها
وعاف معدانه
اوهجر زرة حماريها
ودفنها ابطرف نسيانه
المدينه
ليلها تعذيب
او صبحها
إمعارك وي النوم
بين جفون نعسانه
ولا كلمة هله بيها
تطري اشفاف ذبلانه
المدينه
اجنون
تمشي ابكل شوارعها
حلك مايعرف السانه
المدينه
موتها بسكوت
والميت يعت إزياك دفانهفنراي