ناصر الثعالبي

كتابات أخرى للكاتب على موقع الناس

 

 

الجمعة 1/3/ 2013

همس لصديق ناصر الثعالبي 1 رد صوت النفس يم الضلع تعبان لاذ ابسد حنانه اوعاتب إ سنينه ليل إمن اللهاث ابنص جفن نعسان يسأل عن فجر .... هذا الفجر وينه ؟ الغريب ابنص وحشته ايعارك النسيان من ينسى محبته او تنغلك عينه؟ رد صوت النفس والريه نص اردان بْردانه إبشتا مايرحم أ ونينه يشهك للسما لومرعليه إلغيض ويرده إّبّسمْته ويبعد الشينه 2 يتمنى الهوا من يصعد الخانوك حلمه ابنص شهكته امعلك اسراره تمر أيام عمره أمباوك وي الموت ما ذله الألم من رِكْدت أكتاره ألألم خطار عده من يجل الليل ما ظنه يكش بوجه خطاره كريب ابكرب رمش العين من تلكاه تصيح ابعز سكته ثورة افكاره من شجرة وفا يحوي كرم طيبين هم شايف كريم إ يكطع أشجاره ؟ يا وكت المساوم ما نبيع الناس لان بينا ألنفس ما يعلن ا سعاره 3 ابيام الرخص مارخص جف ملكاه ولارخصت اجدامه ابليل وتعثر يشيل اهموم ناسه ابصحوة الناطور ويتلكه النوايب نفل ومشكر يمد روحه جسر لليعبر اعله الموت يتلاو وي وكته ابصبر ألمْنمَر ياريح الرفاكه التعتلي الكلفات تتوجر جمر من نارها تسعر ونت شيمة هلي الماخانت الطيبات لو طك الفشك بعيونها اوثوّر 4 تعنيت المواكح يلتريد الزود او من طبع المواكح عالي الهمه تتوسد احلام الناس من اتنام مثل بيدر الخير ابجفك اتلمه اذا ضاكت تجرها الحد سنان الموت تفرجها بعداله وتبري الذمه لو عطشت الكاع او مات بيها الطيب تطش طيبك عليها اوترتوي بدمه معذوره اليام اتدور دورة ماي كلمن ملتهي بمشارته اوهمه يمحير عدوك بالأمانه شلون ترضى الخان سرك تنتجي يمه؟ اذا إعتابي عليك ايوشل ابجف ماي اخذه حرز.. واليوم العطش ضمه لان دفله الورد بس لون يالمهيوب بس جوري وردنا تحتيي ابشمه