كتابات أخرى للكاتب على موقع الناس

 

الجمعة 12/12/ 2008

انصار ناصر الثعالبي 1 بشوك الكاع الما باعت غيرتها ابدم ابعمر الضحو مشيولين ابجف الهم ابخلك الورده الماذبلت من كثر الشم ويه البلوه العاشت بينه او ما تلتم جانت ضحكات الانصار متوسدين الدنيه اوباجر يطلع نور لوفشكه اتهلهل يركص مية شاجور نتزامط وي كصة شارب كل مغرور يتحلمون ابكل الدنيه اوبيهم تحلم 2 انصار من تعشك تنام اعيونها بضي الكمر الكلب تتوالف خفكته وي رفيف اجناح من ينوي السفر ضحكت المهموم سكته اتخاف من شفته يخجلها البطر لكن احنه نعشك عيون الصكور الما يمللها السهر الما تعيش ابغير عشها اشما كبر بيها الخطر تركص اويه الموت ركصه رعشة اجناح الحمامه من يبللها المطر