كتابات أخرى للكاتب على موقع الناس

 

 

الأثنين 24/10/ 2011

معذور معذور نجم خطاوي البيني وبينك صار ماضي البيني وبينك صار ذكرى من اليوم اعلم روحي تنساك من اليوم اسد دفتر العشره من اليوم أودعك ماني ندمان واجرع أحزانك حلوه مره من اليوم أطوي عشرة سنين وأمسح حروفك وأمحي السطور معذور معذور خلص كلامي وياك معذور ................................................... واضح معاني صمتك اليوم لا حاجة لاسبابك والأعذار امسح دموعك بطل اللوم لملم ورودك خذها الأزهار خلني ابحسبتي امعاشر الهم عوف الجره وياك والصار هذا الورد وردك بسامير ينغز نغز ويزيد ويغور معذور معذور خلص كلامي وياك معذور .................................................... صحيح دروبي وحشه وغصه بالروح صحيح أيامي حسره وكلبي مجروح وصحيح أيضا حزينة وذبلت العين وما كتمت نداهه وسرهه مفضوح لكني وفي وطبعي الوفه دوم وراح أبقه وفي لعهود الأيام وهي حسبة وكت وتعدي وتدور معذور معذور خلص كلامي وياك معذور ....................................... حزني جبل بس همي مكبوت عمري شمع ويذوب بسكوت يا عشرة عمر تذبل ولا تموت وما يطفه نجمهه ويبهت النور معذور معذور خلص كلامي وياك معذور ...................................... يمكن اهجرك يمكن اشتاك يمكن اعوفك يمكن انساك عاكوله انه ابوسط صحراء ثوبي عطش بهدلني فركاك لاني ملك وأهديلك أملاك ولا انه غني وبنيلك قصور معذور معذور خلص كلامي وياك معذور منفى كارلستاد السويدية 23/10/2011