| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

 

مصطفى محمد غريب

mousga@online.no

 

 

 

الأحد 22/3/ 2009



زفة عرس بغداد

مصطفى محمد غريب

بغداد إنتي الأمل

إنتي شغاف الروح

والناس منج حِلَو

حلوات منج فوح

.......
.......

كلما أكولن أجي

يزداد بيَ الشوك

يزداد بيَ الوجد

والبعد مثل الطوك

يسحك ارواح الخلك

بفراكْ مثل الشُوك

.......
.......

بغداد إنتي السعد

وعيون تهدي الغزل

لابد وان نلتكي

بكلوب جنهة عسل

إنتي الكمر يعتلي

شانج ويزرع أمل

تعلين فوك السمه

تقوين جَنجْ جبل

حتماً وإن ينجلي

همجْ ويكوم العدل

يبزغْ عليج الفجر

يطرد ذياب القتل

بغداد كلج وفه

بس النذل يبقه نذل

.......
......

تبقين تاج ورد

والناس إلج متراس

مهما قسةّ عليج الدهر

والظلم صار أجناس

لا بد وان ينتهي

تبقين فوك ألراس

شمعة وهلاهل تستمرْ

ريحان من ينْباس

بغداد زفة عرس

هوسات الفرح نبراس

إنتي عروس العمر

اسمج نغم أجراس

إنتي الصفا ألماس

إنتي الفرح للناس
 


 

free web counter