كتابات أخرى للكاتب على موقع الناس

الأربعاء 7/10/ 2009

همهمات صاخبة محمد علي محيي الدين   ميصــير دوم مغيمــــــــة هــــــــــم ربك يصحيها وشمس الأمل تطلع غصب وأنشالله تجليهــــــــــــــا *** يا ضيم دنيانه بسگـــــــــم نحرگ نضل سكتاوي نندله بواگ العنــــــــــــب ونگول باگـــه الواوي خربطنه ما بين الدگـــــــل والبرحـي والخستاوي وگلنه التمر كلــــــــــه تمر ما بيـــه فرق للحـاوي عارين صارن بالوجــــــه منهو الذي يجليهـــــــا عار الجذب ولمرجلــــــــه الضاعت ولا نلگيهــــا *** يا فشل روحي الضيعـــــت خلها وغفت عالصوبين عافت براهين الــــــــدرب تيهت تالـــــــي الدربين مذلولة روح ألمــــــا مشت بدروب أهلهــــا الزينين ويا فشلة ألعاف العقــــــــل وذاك الفكر فكر الزين مستا هل أكثر واليجـــــــي وكل ألأجه من أيديهــــا ياريت روحي مكــــــــدره ومگصصه رجليهــــــا *** عفيه عله روحي الدولبت عقلي الذي ضيعتـــــــه ويا وسفه حيران وأظـــل سفان عايف دفتـــــــــه موش أنـــــه ذاك الزوگت درب ألهوه وطرزتــــه وغنيت كــــل فكر الشعب بعشرين بسته وبستــــه تاليها يا ضيم الوكــــــــت جلماتنه مضيعيهــــــــا وكل الغنة وذاك الـــطرب عالمستحــه ناسيهــــــا *** يا ليل حبنه اللي كبــــــــر بعيون كــــــــل ألديره وسفه نسينه بـــــــلا خجل ناموسنه والغيــــــــرة وتبعنه ضحكات الجــــذب والنذل غرد طيـــــــره وظلينه نتأمــــــــــل عسن باجـــــــــر يبين خيره ما ظن بگه عدنــــه بخت مدري شنــــــــو تاليها الناس التحبنه أيســــــــت وأحنه عمـــــــد ناذيها ***