| الناس | الثقافية |  وثائق |  ذكريات | صحف | مواقع | للاتصال بنا |

موقع الناس .. ملتقى لكل العراقيين /  ديمقراطي .. تقدمي .. علماني

 

 

جاسم الولائي

 

 

 

 

الجمعة 13/6/ 2008



قصيدة أو أغنية

شوباش

جاسم الولائي

بيدي حنة وبيد اخويه اللاخ حنه
ومثل شدّة ورد بالزفة زلمنه
أحنه حب الوطن والغيرة تلمنه
وللمنية نروح ونسابق أجلنه
وخلها زفة دم تصير..
وخلي شوباشه لاهلنه

هالوطن والشعب إلنه
وعذب هالشطين إلنه
أحنه كل سعفة نخل بالبصرة تتباهه باسمنه
أحنة كل كطرة محبة بدجله متعطرة بعطرنه
ولو تشمنه الكاع بالفرحة تصيح:
أفيش جنة!
يلي بين عيونكم طيبة أهلنه
يلي بين عيونكم ريحة أهلنه
أنتو منه
وزمرة الخانت شعبها موش منه.

دمشق 31 آذار 1982
 

free web counter