كتابات أخرى للكاتب على موقع الناس

 

الأربعاء 22/3/ 2011

رحيم الغالبي .. أُفول قلم عراقي أصيل جواد القابجي - كندا ( يا رحيم ارثيك ما چان الأمل لا وحگ َنفسيتك او طيباتها ) يا رحيم اعتِقِد بالدنيه خلل بيك صار الغدر من عملاتها هاي المروَّه تغادر يالحبيب ابد ما چانت على بال الأحباب چنت انتَ الروحنه أجمل طبيب هسَّه صِرتْ انتَ جرحنه والمصاب عله غفله للأجل وحدك تجيب اوعفت كل أحبابك ابهَم او عذاب رحت وحدك وقبلت احنه نِضَل ابنار فگدك ننچوی ابلهباتها گلّي هجرك صار من دافع ملل يو الأقدار الهجر عاداتها نارك احبيِّب خِذت كل العمُر لحظه لحظه اوبعد بيمن نستجير چنت إنتَ اتعلِّم الدنيه الصبر وما شفت واحد گعد يمّك يحير هاي من الدهر نحسبها غَدُر تعوفنه او للموت بس وحدك تسير لا يلحبيِّب كُبَرْ بينه الزعَل دنيه قذره او ما نحب لعباتها ايروح منّا الطيِّب او يبقه الجهل خل تولّي هيَّ وغراءاتها