كتابات أخرى للكاتب على موقع الناس

الأحد 22/8/ 2010

الدنيه حلوه عماد خليل بِله الدنيه حلوه ابضوه وجهك ولمّا أنفاسك تهزني يالغايب من اسنين يمته الدنيتي الحلوه تردني وتهز بيه مراجيح الهوه وبكل شوگ العمر شبگه وتظمني يل إلك بالروح شجره وسنبله وباغصانك الحلوه شبچتني خذني مره لمحطّات الفرح يل فراگك هدني وحزنّي موچنت .. طيرحُرْ ابسمه گبل ماعيونك ولنّي ليش اكسرت جنحاي ابجفه وبدروب العشگ ضحكاتك رمتني گلي چا يمته ترد روحي وعله صدرك احسك نومتني يابستان عشره .. وياشدة قساوه عله المامش تولعني وتصدني موانتَ احلفت گلبك يودني شنهو الصدَّك اوإلمن عِفتني دردني.. الديرتك ردني وبحظنك گبل ماموت اخذني انه محمّل امن اسنين حنه اوأريد اجدامك ابئيدي احنِّي حنة فرح ملگاك يلمنّك طوارش ما يجنّي خليني بحلم .. اتگالب اوي دموع حسرات بفراگك سبتني