كتابات أخرى للكاتب على موقع الناس

 

الأثنين 7/2/ 2011

من ثوب الشهادة إللابسه إيخافون حميد الموسوي ينشدوني إعله أسمك يا أسم يردون أنته أسمك أسامي شلون يتناسون . فهد ..صارم ..وحازم سلام ..ستار ..العبلي أبو كريم ..أبو رستم . الاف الكواكب بالسمه يسمون . ما ينسي أسمك بس همه يتغاضون . أنته أبن العراق ودجلته ومايه . وأنته أبن المضايف عاليه الرايه وأنته البيك عدوانك كًبل صحبانك يشهدون . عجيبه إعله اليبغضون . من ثوب الشهاده إللابسه إيخافون . لأن درب الشهاده أمطرز بأسمك . ولأن تربة وطنه أنعجنت بدمك . ولأن تاريخك أبيض .....رادوا !! إيزورون . بس دمك صبح عنوان ميكًدرون . إلك وي كل جبل وكًفه . زرعت ابكل سفح ورده . وعلمت الوفه للي يحبون . نذرت الروح لبلادك أووفيت أنته وصحابك طرزتوا سمانه نجوم وتنورون . وأكًلهم ...... لليحقدون . الشعب عارف طريق إلي يضحون . وطريق ..إلي.....يفسدون . ويبوكًون . بسكم ... بسكم يلتعرفون !! وتنكرون . كواكبنه الشعب بيهه يفخرون . كواكبنه الشعب بيهه يتباهون .