كتابات أخرى للكاتب على موقع الناس

 

الأحد  5 / 1/ 2014

وداعا غاليتي شمس حميد الموسوي 1 غياب شمس ظلام إوغربه وحشه ونورهه مذبوح الحياة بلا شمس شتسوي بيهه الروح مشبوگه وترافس بس تون وتنوح .. عليله وتايهه ما تدري وين إتروح الشوارع فارغه...! والناس بيهه إطوف ..! وانه بلا نظر ما شوف ... أنه بلا صوت .. ما أسمع حچی بس إلإجدام إدور.. إختفى نور الشمس والصوت ظل مبحوح شمس غابت بعد هيهات إليّ إتعود وبقى عزفي حزين إوأبچی وي العود البچي بسكوت ...ّ بس الصده جاوبني شمس غابت ... لا تحلم ترد إردود الحياة بلا شمس شتسوي بيهه الروح ظلمه ونورهه مذبوح .. 2 خطف مني الزمن شمسي عاندت الوكت ما أطيح بس ها النوبه طيحني .. هاي إسنين دولبني بدواليبه راد إيذلني من فرني .. بس ما گدر..هاي إسنين إعتنه إو يعتعتني .. هاي إسنين عرف هاي السنه بيا كتر يطعني .. خطف مني ضوه إعيوني خطف مني الزمن شمسي ! أعترفله للزمن هالنوبه طيحني !!!! طحت ... بس ما گدر... ما گدر .. متوهم إيذلني ..... السويد 2-1-20014 يوم رحيل حفيدتي شمس