حميد الموسوي
الثلاثاء 26/3/ 2013
أهازيج للذكرى 79 لميلاد الحزب الشيوعي العراقيحميد الموسوي
صفح التاريخ شوف التضحيات.
إحنه گول وفعل عالذل ما نبات.
وأحنه صرخه الداويه بوجه الطغاة.
ها....ها....ها....
إسمع يا صاحب دم الضحوا لا تنساه .
إسمع يا صاحب دم الضحوا لا تنساه .
إتحادك يا شعب عنوانه .
واليبيعك ينطرد من گاعنه .
إتحادك هو سور عراقنه .
ها....ها....ها....
الباعك والله إنصيده ونكشف تاريخه .
الباعك والله إنصيده ونكشف تاريخه .
اليوم ستار وفهد والخضري .
صارم وحازم ..سلام ..الحيدري .
اليوم عدنه إضيوف حيوهم هلي .
ها....ها....ها....
للملعب طبوا ويانه .
للملعب طبوا ويانه .
يهل تنشد علينه الشعب يعرفنه .
بالعز والشرف تشهد مواقفنه .
إقرأ وشوف وتمعن لوايحنه .
ها....ها....ها....
مكتوبه من ضيم الوادم.
مكتوبه من ضيم الوادم .
تاريخ الوطن مكتوب بدمانه .
سقط بالمزبله كلمن تحدانه .
وظل مرفوع راسه الماشي ويانه .
ها....ها....ها....
بعيون الظالم دشينه .
بعيون الظالم دشينه .
يا حزب الشغيله وصوت للأجيال .
فهد دگ الأساس وشادته الأبطال.
يا ضامن حقوق الفلح والعمال .
ها....ها....ها....
إنساند كلنه إنساند للبيضه إچفوفه .
إنساند كلنه إنساند للبيضه إچفوفه .
يا حزب الشغيله الوفه عنوانه .
شهم الشيده أو وفايه صحبانه .
الشرف والتضحيه والعدل عنوانه .
ها....ها....ها....
بوگفاته تشهدله الناس.
بوگفاته تشهدله الناس.السويد 26/3/ 2013