حميد الموسوي
الأربعاء 20/3/ 2013
بغداد لم يستطيعوا ذبحكحميد الموسوي
يا حديقتنه الجميله .
شنهو ذنبچ فرهدوچ .
داسوا إورودچ إبغلهم
وبجهلهم سممموچ.
فرگوا صوبينچ التزهي إبحقدهم !
وبالخناجرگطعوچ.
خوفتهم ريحة الجوري إبربوعچ .
وبعفونة طائفيتهم سگوچ.
یا حديقتنه الجميله .
چان ظل أشجارچ إيفي إعله أهلنه .
والخضار الحايطچ بلسم جرحنه .
يا حديقتنه الجميله ؟
هي غفله من الزمن !!
غربان سود إيحوطوچ.
لوهي لعبه من القدر !
بليل الظلام إيبرگعوچ .
چنه نحلم نکبر ویاچ بأملنه .
وچنه نحلم خیرچ إيعم إل شعبنه.
ما درينه الوكت يلتف ...!
وبالاحزان إيغرگوچ.
همه مدري إمنين أصلهم هم نشدتي .؟
لو نسيتي ... لو عرفتي .
هواي أظنهم جاوبوچ.
وعن أصلهم خبروچ !!السويد