حميد الموسوي
الأثنين 13/2/ 2012
وسام على الصدر تزهونحميد الموسوي
كل الأوسمه جذابه بس إنتم على صدر الوطن
تزهون.
كل الأوسمه جذابه بس إنتم وسام على البشر
تسمون ..
الوطن يفتخر بيكم .
وبيكم إتنومس ..
يلصرتوا بسماه إنجوم
وأتلألون .
نتباهه بأساميكم ..
نتباهه بشهامتكم..بشهادتكم..
وشعبنه ويانه...
يتباهون .
ضويتوا الظلام إشموع.
وأجت غربان مانعرف أصلهه إمنين !
إفرشت جنحانهه وخيمت على الصوبين ..
تعالوا وشوفوا شيسوون .
أسراب..أسراب ..أسراب...!
وغربان الغريبه من الضوه .
إيخافون .
يريدون الوطن ظلمه .
وتحت جنح الظلام بغلهم ..
إينهشون .
بس لشموعكم ما كًدروا
يطفون .
صرتوا إنجوم فوكً إعراكًنه ..
تضوون .