كتابات أخرى للكاتب على موقع الناس

 

الأربعاء 12/9/ 2012

الى الذي سرق صوتي حميد الموسوي نزعت المستحه وبلا خجل ظليت . دفنت الغيره وتعريت . ما خليت ..إلك رده إذا رديت . يلي واعدت بس بالچذب وفيت . يلبعت الوطن يلتاجرت بالدين!! إلبست ثوب المذله إشلون بيه إرضيت . گالولك حلو وغروك .. وأنغريت . نسيت أصلك وناسك . والوگف وياك .؟ وأتبريت . إطلعت من الجذر منخور . بعت حگ الفقير وبيه شريت إقصور . وتجبرت .... وتعديت .. بدلت الوجه بس يا وجه ؟ لبسيت . حرامي وبگت صوت الناس . یلمیت ضمیرك فاقد الأحساس . صوت الناس بيه للأجنبي غنيت . وعله إنواع الطبل هزيت . دفنت إسم الوطن بيدك . وعله روح الشهيد بكل صلافه !! إبچيت . وبلا مستحه إعله إجنازته صليت ...! الشمس طلعت عليك وكشفت المستور . بسك لا تلف وإدور . صوت الناس باچر يدوي لو رديت..... كل شئ إنهبت . ما خليت . بصوت الناس أصوت منك إتبريت . منك إتبريت .