حميد الموسوي

الأربعاء 11 / 6 / 2014

نينوى

حميد الموسوي

بالظهر طعنوچ
من باعوچ.
ناس بلا ضمير ولا حيه
نينوى.
إنتي أم الربيعين
إلچ مطلوبين دين.
نرد هاي الشرذمه..
للمزبله.
جرحچ بنص الگلب..

یا نينوى.
إنتي لعراقي الهوه
وأنتي الدوه.
هبي وأنتفضي إعله
ذوله النكره.
إنتي أرض الأنبياء...!
مو حرام أدنس إترابچ إجدام السفله .

يا نينوى.....!!!!
إنتي عنوان الشموخ .
أم المحبه
والسعاده
والهنه.

نينوى.
بيچ تاریخ وحضاره إمجذره .
وهم :غربان المزابل جهله .
همه..أشباه الرجال..
لا شرف لا دين لا أخلاق عدهم.
إنتي نورچ بالسمه..
وهمه عنوان الرذيله..
والزنه...
نينوى يا نينوى يا نينوى.....