كتابات أخرى للكاتب على موقع الناس

 

 

الخميس 10/2/ 2011

زيارة لقبر شهيد حميد الموسوي عله كًبرك بهذا اليوم أطش أورود . وأرفع راسي فوكً ومنك آخذ زود . لكًبرك من وصل جدمي. فر مني الدمع يدمي. أدري بيك ..أدري أدري . تزعل من أريد أبجي. حضنت الدمع بجفوفي ورديته لعيوني... أردود. وكًفت أكًبالك إهتزيت. تذكرني ...تخاف ..! إنسيت. كًبل ماترحل إشوصيت. الشهيد يغيب بس ...ميموت. وي محنة شعبنه. يعود. نذرهه الروح بيهه. إيجود. من أجل السلام يسود. وذكرني بأغانييه أو عزفه العود. ( بالوفه نباهي الناس ونباهي النجوم بويه أحنه وفايين حتى بحجي النوم ) يارمز الوفه اليوم أنا أفخر بيك. اليوم أحتفل بيك وما أريد أنعيك. وصيتك بالكًلب محفورة ما ناسيك. يامن فضلك ربك عله الموجود ... الوطن يتباهه بيك وبيك زوده يزود. الوطن يتباهه بيك وبيك زوده يزود ..