كتابات أخرى للكاتب على موقع الناس

 

الأحد 9/5/ 2010

أبو ذيات حامد كعيد الجبوري حبيبي لا مثل كلبك وهم بيك تمنيت اللذي بيه وهم بيك مثل يوسف تهم بيه وهم بيك شبكته وما نزل برهان بيه           ****** آنه الخابُطك بيدي وصفاك وحرت شنطيك من ميزه وصفاك حبيبي شوصف أعيونك شصف فاك جنه ونار جامعهن سويه          ***** أفوج أبين ذرعانك والنهود وشمك مية ألف شمه ولا أنهود أهد الدنيه لوصالك ولا أنهود أبحبل مجتوف والعكده خفيه          ****** سليت أبنار هجرانك ولا لام ولاني طيب أصوابي ولا لام لا مليت من شوكك ولا لام دخيلك خشن أكليبي عليه        ******** كضيت العمر وياك جدي أحشم الروح كلما أتهيد جدي توكفلي أبصلافه أتكول جدي عُكب ما شيبت تتمزهَد عليه        ******* وحك اللي بعث للناس مرسال نبع صافي زلال الروح مُر  سال ما تفكد عليلك ليش مر سال رميت وتنظر أتصيب الرميه         ****** تصد ويا شرع أفتت قبلتك حلال أتمرعد أبروحي قبلتك مدري أبيا سنه أبطيفي قبلتك طعمها أبشفتي حد للمنيه       *******