كتابات أخرى للكاتب على موقع الناس

 

السبت 11/9/ 2010

مراسيل الگلب حامد كعيد الجبوري ردا على الشاعر بشار بن برد الذي يقول : أذني لبعض الحي عاشقة        والأذن تعشق قبل العين أحيانا آنه مو بشار ويناغي الحبيب عاشك وعندي مراسيلي تجيب إعضاي كلها أمفتحه وتمتلك عين أهناك ريم أتوجده  وتندله زين  الروح تخفك تركض وتاخذني وين حاير وولهان أكصد يا طبيب حتى لو حنظل ومن ثغرك أطيب آني أفتيلك حُكم أشرب الراح ودير كاسات الهنه الوجه الصباح وأطفي كل الشمع وأخدود الملاح وبالك أتصحي الفجر للعندليب إكسر أخماريتك وزيد اللهيب تغبش الفراشه تتخير ورود أتشم رحيق أبلهفه وتبوس الخدود تسكر وتتمايل أبمسج النهود آنه فراشه وطفل يرضع حليب والغصن من تهجره الورده يشيب أتشوفني شايب وأفعالي شباب واليريد الورد يصبر للعذاب ما تهاب النحله لا شوكه وعذاب لا تلوم أتأنب وتحسبها عيب أنت قانع وآنه راضي أبهل النصيب إذن طرشه أنطي للرايد يلوم آنه مو بيدي الگلب يهوه ويحوم ردت أنصحه عاند وخاصم النوم أحبسته جوه الضلع زاد أمن النحيب والشماته علكم وهو اللبيب وإنطه مفتاح الگلب بيد الإذان العين وإذني وأيدي وإشفافي ولسان ع الجمال أمن الفجر تصحه وتطوف أتأشره وبالليل تُكنصله وتحوف الكلب أعمه وروحي بعيوني تشوف ويا طبيب أبوصفته ينطي الضمان ومن لُماك الحنظل العلتي أمان وأغتصب قبلات من ثغر البدور  وخمرتك كاسرها من ماي النحور تضوي وسراج الضوه أبهز الصدور والبلابل تصحه وتعوف المكان ومو حرام الخمره من ريج الحسان ورده بيضه وحمره تتطاير طرب هذا خد ريان ذاك الخد عجب لا عسل يرويها لا بنت العنب ومن ثغور الورد أستلهم معان ويا غصن يقبل يهجره الأقحوان الروح خضره أتأكد أبكول وعمل والورد يندل مجامينه النحل المهم يرجع وبشليله العسل أيصير ضوك العسل فشله أبهل الزمان والعمر لليحسبه لحظه وثوان أبعقلي راضي والعقل ينعد نبي ومن أريد أمتنع يسبيني سبي أيكول ديني الوصل والحب مذهبي والنحيب أيفرح أفلان وفلان وبالدليل أقنعني وبحجته البيان