كتابات أخرى للكاتب على موقع الناس

السبت 9/4/ 2011

اِمراوس * حسين جهيد الحافظ   1 ندري أمريكه لعوب وندري عشرنهه قهر وندري بشعه اِشما نزوگلهه الصور وندري بيهه ما اِجت لعيون زيد ولا عمر هدف عدهه خططتله اِسنين مو يوم وشهر جييشت لأجله الجيوش وركبت اِمتون الخطر ولأجله عبرت چم محيط وچم بحر وندري بيه – اِيحفظه الله – ندري بيه الما عرف شنهو القدر اِشلون بيده سلم اِلهه اِبلا حذر بلد جاهز – طابو صرف – اِيغار من عده الگمر تلعب اِبأرضه وسماه اِشلون ما رادت يصير اِبكيفهه حته البشر ملكته اِجنوب وشمال اِجبال ... وديان ... وبوادي ... أهوار ... واِسهول ... ونهر وأكثر...أكثر .... بعد أكثر ندري زين ورغم هذا وذاك كله اِموافقين وأرجو اِبهاي لا ننلام لأن راوسنه العراق اِمراوس اِبصدّام 2 اِحنه ندري أمريكه شنهي وندري شنهي أهدافهه أمريكه حته الطفل عدنه زين قاريهه ويعرف أوصافهه وزين ندري أمريكه ياهي وليش عالمنه حذر واِيخافهه أمريكه حره.. أمريكه حريه وكرامه أمريكه تاريخ ونعرف أسلافهه أمريكه الأم الرؤوم وراعيه اِحقوق الشعوب عالورق كل هذا ماشي لكن اِدروب الحقيقه عدهه ملتويه الدروب هذا كله وبعد أكثر اِتسوي الزينه محال النضال اِرهاب عدهه والاِرهاب أصبح نضال والسلام الحرب عدهه والحرب عدهه السلام اِبهاي وقعنه ورضينه و لجدّام لأن راوسنه العراق اِمراوس اِبصدّام   14 / 4 / 2003 * القيت بتاريخ 14/7/ 2003 على قاعة نقابة المعلمين في الشطرة في الندوة التي أقامتها النقابة بمناسبة ذكرى 14 تموز المجيدة