حسين جهيد الحافظ
العامل والفلاح
حسين جهيد الحافظ
1- العامل
لو خيّم عالناس الخوف
إتلوذ الدنيه غبسد الأوف
بس العامل .. !!
خوفه إسيوف
إتشگ إلثام السكته ونتسل
ليل الظيم إزلوف
تعب الدنيّه الفوگ إمتونه
إيطگ إطيوف
گصته الغيره يوم التعرگ
ترسم عالحيطان الحنه إچفوف
كل نگطه إتخضر گمريه
إتحرك حيل إهوايه إحروف
إهوايه إحروف
.... إهواااايه إحروووف
2- الفلاح
من شدة الصيهود
من حر اللهيب إبآب
من زهو المرز
من شيمة السنبل
من ترنيمة الناعور
من طبع الصبايه أحباب
يرتوي الفلاح حيله .. إو زود
يتباهه ويطگ خنياب
إتخضر إزنوده مساحي
وسلسبيل الماي
يفتح للتواضع باب
يفتح للتواضع بااااب