حسين جهيد الحافظ
الثلاثاء 8/4/ 2008
بمناسبة الذكرى الخامسة لسقوط النظام العفلقي البغيض
ما بعد السقوط
حسين جهيد الحافظ
گالوا طاح....
شگ الليل حزنه ومات ذاك الزيف
لبسن النجمات ترچيه الفرح
وصار العيد عيد...وبطل التزييف
والاِحديثات لمن كل أغاني الحب
بالحب مزهريه .... والسوالف طيف
ومدري الصار شنهو الصار...واندارت ظلام
اِنذبحت الفرحه اِبمهدهه
....... واِختنگ صوت الحمام
تاهت الأفكار والوحشه مدينه
والدموع اِتطرزالوجنه حزينه
وردت اعيون اليتامه اردود وانترست بچي
ماتت البسمه وتخورس كل حچي
ومدري با هوالاِجه حاكم
... أنطه فتوه ....و صارعالم
الحلال أصبح حرام اِبشرعه واِيحلل محارم
البوگ والتسليب....والينهب تقيه
.............عنده أصبح
والسطو مبروك عنده شرط إذا كان مسلح
بويه خل نحچي الحقيقه
ولو معروفه الحقيقه سيف يذبح
وخل نگله التاجر ابدم اليتامه
كافي تسرح....
..... كافي تمرح
عمي كافي...... عمي كافي
كافي خليهه لأهلهه...
... وانتظر تاخذ الصافي
............انتظر يطلع الصـــــــــــافي
8/4/2008