كتابات أخرى للكاتب على موقع الناس

الجمعة 5/2/ 2010

حلم طفله وعيد حسين جهيد الحافظ اِعيون تحلم غاقيه اِبخفگة اِشراع خاگ سفّان وسفينه .. .... عاشرت عمر الضياع طاسه ماي وباب فحطان وعجوز تزرع اِمن الفرگه ملگه ما تود تزرع اِوداع خضرمه واِعيون سبعه ما توجد الدرب عميه تتنتطر كل هسه جيه حمد يرجع والقطار والگطه اِيفزز أعاني لون قاني جلنار صح ( غريبه الروح ) بينه ويا (حريمه) لكن ويا محله لكن الدنيه لو طگت نهار اِو جابت الفرحه محنه اِو مات ليل الانتظار وتشتعل ضويات المحطه والسفر كل خطوه جنطه والسوالف عالشفايف كل حرف من عدهه بسمه والمهامس جنح نسمه كلشي صح اِبلايه ورطه تنذبح حسرة السنطه شرطه ..!! شرطه اِلخوف من جية الشرطه اِيصير عيد اِيصير صفگه اِيصير مرجوحه .. و أغاني مزهريه وكرنفال وطفله تتمرج دلال بالهوه ترسم عناق ثوبهه يعني العراق اِمطرز بأحله نشيد يحلم اِبعالم جديد بيه وطنّه ... وطن حر والشعب ... شعب سعيد وكلشي بالدنيه جديد كلشي بالدنيه جديييييييد