حسين جهيد الحافظ
الأربعاء 4/11/ 2009
شتل حبك
حسين جهيد الحافظ
حبك اِبگلبي ... اِشتل
علمتني اِشلون أعوف الآه
وأكتبلك غزل
وآنه سوله الآه بيّ اِمن الأزل
فوگ چتفي اِهموم
يا بو اِهموم .. لكن
چتفي ما منهن هدل
وعلمتني اِشما تمر دنيه الخريف
أوگف اِبوجهه نخل
وعلمتني اِشما يمر
بالدنيه ... بالوادم زعل
أضحك اِبسن الترافه
أترس الدنيه قبل
وعلمتني ..
أسحگ اِعله الموس حافي
وخله وكتي
اِن قبل أو ما قبل
اِنته شمس الله الچبيره
والحقبقه الفكست اِعيون الدجل
يا حدم ثابت مكانه
وحيل ثابت
ما عرف يوم الزلل
من تفيض الوكت نهرانه صلافه
اِتفيض نهرانك خجل
يا خلگ دكتور واِمشخص العلل
آنه مرتاح العذابك
خل عشرته اِتبوگ روحي
حبك اِبگلبي اِنشتل
حبك اِبگلبي اِنشتلللل