كتابات أخرى للكاتب على موقع الناس

 

الأثنين 3/3/ 2008

سؤال اِبني  حسين جهيد الحافظ امس وبكل وكاحة عين اِبني وزغل ناشدني سؤال امبطن اِبتزويق قصده اِبهاي يحرجني أحلفك بويه بالعباس هم حبيت؟ گلي ويفرك اِبچفه نعم حبيت گتله ولهفتي لهفه رد گلّي ورمش عينه غمز مگصوده يتشفه حبيبك شنهو أوصافه ؟ گلتله اِچبير محبوبي واِيحير الوصف وصفه حبيبي اِيقدح القدّاح عالشفه حبيبي الطيبه والعفه مريض ومن يمر طاريه أگوم وكل مرض يشفه حبيبي اِبنص الأزرگ ذاك وبليل الشته المجنون بالرجفه أحسّه الكيض واِجويريد يمّه لو وصل يدفه حوه أوصاف الخلگ كلهه وأخذ طوله السعف مبخوت من زلفه تربّه اِعله الكرامه وعشگ حب الناس يتباهه اِوي جرحه لو نزف دمّه لأن يدري اِبنزيفه الكل وكت وصفه حبيبي نوخذه وسفّان تتباهه السفينه لو لزم سكّانهه ابچفه حبيبي آنه گلب أبيض جنح بلبل حدايق غض ومن كثر الترافه البيه مدري اِشلون شاعر يگدر اِيوصفه حبيبي الناس كل الناس وأطباعه وديعه وصافيه وترفه شفّافه ورقيقه ساعة السهلات وساعات المزامط توجع وصلفه حبيبي الطيف غافي اِبوسط عيني اِبشوگ اِشكثر رادوا يبوگونه احتاروا بوكته كلفه گال وحيرة اِعيونه حيره وعين تاكل عين بويه اِمنين يا بويه وحبيبك وين وگام اِباِيد يسحن حرگته اِعله الايد گتله اِبهيد بويه اِبهيد ومن كثر الفرح نزلن غوه اِدموعي هذا اِهناه حبيبي اِهناه رسم مطبوع بضلوعي حبيبي آنه العراق وحزبي الشوعي