كتابات أخرى للكاتب على موقع الناس

الأربعاء 31/3/ 2010

نجمة آذار حسين جهيد الحافظ اِحنه .. .. اِحنه من دمنه رسمنه اِجناح للنجمه البعيده ومن فكرنه .. حفظيناهه قصيده اِو گلنه للنجمه البعيده فدوه يالنجمه البعيده طوفي الولايات فرحه وطرزي اِعيون الشوارع ضحكه اِو بسمه .. اِو نشيد اِملي الدنيه أغاني .. وفرح عيد بشري بآذار ونشيده فدوه يالنجمه الجديده حطي فوگ اِخدود كل طفله .. اِو طفل نسمة صبح حطي فوگ اِچفوفهم چكليته وحلاوه اِو حطي يمهم حطي لعابه جميله اِو حطي ... سبوره اِو طباشير اِو دفاتر اِو حطي باچر حطي .. أقلام اِ مساسيح اِو صور واِرسمي اِعله السبوره دنيه شمس بيهه اِو بيهه اِهلال اِو گمر خيّطي اِشفاف الجرح اِحنه بآذار ..... اِو فشل من ننجرح وياليريد العيد جيبي اِبشوگ عيده فدوه يانجمه البعيده مرّي فرحه اِعله المدارس عالجوامع عالكنائس عالحقول اِو عالمصانع طرزي اِوجوه الشوارع صيريگمره اِتضوي بعيون الفلح ترسم الچاكوچ والمنجل شعار غنوه بشفاف الزغار ترسم الدنيه الجديده فدوه يالنجمه البعيده طشّي دمنه الصار بجناحچ محنه دوفي حنه طرزي الولايات مغنه (( جنه .. جنه جنه والله يا وطنه )) يا وطن وترابك اِحنه صرنه لليقرون قصه اِو لليصفگ صفگه صرنه يا صبرنه ... غطّه الوادم صبرنه عدنه فوگ الراس عالي اِشما ثگل بينه حملنه اِو يا طبعنه ..النخل .. اِحته النخل ماخذ من طبعنه اِشما ثگل حمله اِيتباهه اِشيله شوگ اِو بالفحر يتباهه فوگ اِيصير شذره والثمر يحضنهه طوگ اِبواكح الدنيه العنيده فدوه يالنحمه البعيده علّي فوگ الفوگ علّي ..... اِو للأمام فضَي عالدنيه سلام واِخذني من دمنه رسايل للحقول او للمعامل عنبر المشخاب اِحنه الماحنه يوم السنابل ينتظر فرحه المناجل يكتب اِبدمنه النريده أغنيه اِو أجمل قصيده يا هله اِبآذار عيد .. اِو محله عيده فدوه يالنجمه البعيده نجمة آذار الحبيبه أجمل .. اِو أحله قصيده أجمل .. اِو قصييييييدددده